مسلسل يوميات مشرف ..

مسلسل يوميات مشرف ..

[ندعوك للتسجيل في المنتدى أو التعريف بنفسك لمعاينة هذه الصورة]

الموضوع عبارة عن
حلقات متجدده من يوميات
بعض المشرفين فى منتدى آخر ..
و مكون من 8 حلقات ..

الحلقة الاولى :

[ندعوك للتسجيل في المنتدى أو التعريف بنفسك لمعاينة هذه الصورة]

اول ما قام محمود
من النوم لقى الموبايل [ندعوك للتسجيل في المنتدى أو التعريف بنفسك لمعاينة هذه الصورة]بتاعه بيرن

فلقى احمد Alex

الادمن بتاع المنتدى بيتصل بيه

[ندعوك للتسجيل في المنتدى أو التعريف بنفسك لمعاينة هذه الصورة]

محمود : اصطبحنا واصبح الملك لله ....

صباح الخير يا فندم ..

احمد : خير هييجى منين الخير يا سيدى

انت سايب قسمك ونايم .. الله يخرب بيت اللى شار عليا

الشورة السودة دى انى امسكك مشرف انت متنفعش حتى

تبقى عضو موقوف

محمود : ليه بس يا فندم دا انا حتى مغسلتش

وشى ودخلت على طول على المنتدى ..

احمد : عموما ادخل شوف قسمك ودا اخر انذار ليك ..

وانتهت المكالمه والمشرف طبعا مضايق

وبيقول انا ايه بس يا ربى اللى دبسنى التدبيسه

السودة دى ما كنت عضو وميه ميه ..

المهم دخل على الرسايل الخاصه

[ندعوك للتسجيل في المنتدى أو التعريف بنفسك لمعاينة هذه الصورة]

بتاعته بقى لقى الرسايل دى

الرسالة الأولى

السلام عليكم ...ازيك مشرفنا .. بقولك أنا اضفت
موضوع بس معرفش شكله نزل ثلاث مرات بالغلط
أحذف أي واحد فيهم .. اللي يعجبك أنت بس احذف

[ندعوك للتسجيل في المنتدى أو التعريف بنفسك لمعاينة هذه الصورة]

الرسالة الثانية

مرحب مشرفنا ..... بقلك شوف :
في عضو قاعدلي كل موضوع يرد عليا ويهيني
قدام الأعضاء ... لو ماسكتوش هعمل حاجه محصلتش..
واقلبلكم المنتدى .. وقد اعذر من بنجر

[ندعوك للتسجيل في المنتدى أو التعريف بنفسك لمعاينة هذه الصورة]

الرسالة الثالثة

ياااأبو الشبااااااااااااب ألحقني ...
كل ماأدخل المنتدى يطلعني بره ... ومش راضي يدخلني
ايه الحكاية شكلها كدة الدخول .. بفلوس ..

[ندعوك للتسجيل في المنتدى أو التعريف بنفسك لمعاينة هذه الصورة]

الرسالة الرابعة

مشرفنا ... ممكن لو سمحت تعدل اسمي
من الحلوة الى ملكة جمال المنتديات

[ندعوك للتسجيل في المنتدى أو التعريف بنفسك لمعاينة هذه الصورة]

<<<<< مصدقه نفسها

الرسالة الخامسة

هاي عمري ... يارب تكون مبسوط ..
بصراحة شخصيتك عاجباني ولك هيببة في المنتدى
بس ياريت يعني اذا عملت موضوع تثبتهولي ..
على فكرة انا زعلانة محدش بيثبتلي مواضيعي ليه

[ندعوك للتسجيل في المنتدى أو التعريف بنفسك لمعاينة هذه الصورة]

وانا مال اهلى انا .. محدش بيثبتلك مواضيعك
متغورى انتى والمنتدى ..
( دا رده طبعآ )

الرسالة السادسة

يا عم هقلك على حاجة : مش هسلم عليك
ولا حاجة انت أصلاُ ماتستاهلش .. كل ما اعمل موضوع
تحذفهولي .. عجيبة والله ...

[ندعوك للتسجيل في المنتدى أو التعريف بنفسك لمعاينة هذه الصورة]

الرسالة السابعة

مساك زي الفل يا سوبر ستار المنتدى ..
بصراحة انا مكسوف منك عايز أطلب طلب بسيط ..
يعني انا عايز اعرف ازاي المشرف بيتعامل مع المواضيع
و ايه الطريقة يعني بالعربي الفصيح ..
عايز الباسوورد بتاعتك اذا تكرمت ..
(ماهو دا اللى ناقص)

[ندعوك للتسجيل في المنتدى أو التعريف بنفسك لمعاينة هذه الصورة]

الرسالة الثامنة

يا اخي انت زودتها ... شايف نفسك علينا
وكل مانكلمك ما تديناش وش .. يا اخي الاشراف مش
يعني بقيت ملك ... اختشي على دمك بقى .. قال مشرف قاال ..
انت أصلاً خدام عندنا يعني تخدمنا

[ندعوك للتسجيل في المنتدى أو التعريف بنفسك لمعاينة هذه الصورة]

اقولك : روح هاتلي واحد شاااي
صحيح الى ميعرفش يقول عدس

الرسالة التاسعة

حبيب قلبى... ازيك حبي .. ؟؟
انا نفسى ابقى مشرف زيك وباسرع وقت..
واذا لزم الامر تعرفني عالادارة وملكش دعوة

[ندعوك للتسجيل في المنتدى أو التعريف بنفسك لمعاينة هذه الصورة]

الرسالة العاشرة
لو سمحت والنبى يا سعاده الباشا
فيه بنت موجوده على المنتدى
ياريت تبقى تبعتلى ايميلها على ايميلى وليك الحلاوة طبعا

( ليه يعنى قالولك عليا فتحها عالم سمسم بوزع ايميلات )

[ندعوك للتسجيل في المنتدى أو التعريف بنفسك لمعاينة هذه الصورة]

الرساله الحادى عشر
(من المشرف العام)

السلام عليكم ..أخي ...الاحظ كثرة الشكاوي
من الأعضاء وكثرة المشاكل أرجوا تهدئة الأمور بأسرع وقت ..
وان تفعل أي شي لمصلحة المنتدى ... وشكرا ..

[ندعوك للتسجيل في المنتدى أو التعريف بنفسك لمعاينة هذه الصورة]

بعدها الحمد لله محمود
اتجنن ..

[ندعوك للتسجيل في المنتدى أو التعريف بنفسك لمعاينة هذه الصورة]

مع احترامي طبعا لجميع المشرفين

[ندعوك للتسجيل في المنتدى أو التعريف بنفسك لمعاينة هذه الصورة]

وحلقة اخرى ..

الحلقة الثانية

[ندعوك للتسجيل في المنتدى أو التعريف بنفسك لمعاينة هذه الصورة]

مدير عام المنتدى :
يا فتاح يا عليم يا رزاق يا كريم ..
أصبحنا وصبح الملك لله..
شغلانة ما يعلم بيها إلا ربنا..
إيدك معايا يا أحمد علشان نفتح المنتدى
الساعة داخلة على سبعة والنهار شقشق

[ندعوك للتسجيل في المنتدى أو التعريف بنفسك لمعاينة هذه الصورة]

مراقب : سمى انت وادخل يا محمود ..
أنا عايز أنام شوية ..!!

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام : يا جدع قوم بلاش كسل ..
المواضيع كتيرة ولسه على ما نقرأ ونفرز
ونشوف إيه اللى هنخليه وإيه اللى هنحذف منه
سلة المحذوفات فاضية بقالها اسبوع ..!!

[ندعوك للتسجيل في المنتدى أو التعريف بنفسك لمعاينة هذه الصورة]

المراقب : أهو بالوظة وفتكات و حلموس وحزلقون ..
جم أهم .. خليهم يبدأوا معاك على ما احلق دقنى ..

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام : على فكرة يا جماعة الواد بالوظة
ده زهقنى من عيشتى .. أنا مش ملاحق عليه ..
ده تشوفولكم صرفه معاه ..

[ندعوك للتسجيل في المنتدى أو التعريف بنفسك لمعاينة هذه الصورة]

المراقب : أنا رأيى إن سيد ده نعامله معاملة فاقد الأهلية

[ندعوك للتسجيل في المنتدى أو التعريف بنفسك لمعاينة هذه الصورة]

المشرف : سيد مين .. انت مش معانا ولا إيه.!!
الدور والباقى على
بالوظة وفتكات و حلموس وحزلقون ..
مثقفين زيادة عن النسب المسموح بيها فى المنتدى..
كلام فى الدين شوية والسياسة شوية والإرهاب شوية
وابن لادن شوية والاثار شويه والازياء شويه
وعالم المرأه والمطبخ شويه لما الضغط ابتدى يعلى عليا..
انتم عارفين العنيين مفتحة علينا الأيام دى..
وعشان يلبسونا السلطنية .. تلاقيهم فجأة
نقلوا ع الموسيقى والفن التجريدى والالعاب الكتابيه
علشان ننسى الكلام التقيل

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام : أنا شايف إن أخطرالموجودين على الإطلاق
فتكات..
عاملة ركن لسلطة بابا غنوج
فى باب المطبخ .. وسببت لى مشاكل فى البيت مع المدام

[ندعوك للتسجيل في المنتدى أو التعريف بنفسك لمعاينة هذه الصورة]

المراقب : وسع يا جدع أبو حميد وصل ..
صباحين وحته .. مين بس اللى مزعلكم ..
وانا احذفه من على خريطة المنتدى ..
بس شوفولكوا حل فى اللى بيقول
جواز عتريس من فؤادة باطل ..
ده هنسكت له ولا حنبقى رجالة ونقف وقفة رجالة
وكل ما حد مننا يشوفه يروح لازقه إنذار ..
لحد ما يزهق من عيشته ويخلع لوحده

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام : انا معاكوا يا رجالة ..
لازم نقف لهم وقفة رجالة ..
اهم حاجة عتريس وبابا غنوج ملهمش دعوة
بفؤادة ..
يروحوا يقطعوا بعض فى طبق سلطة تانى ..
اقصد منتدى تانى ..

[ندعوك للتسجيل في المنتدى أو التعريف بنفسك لمعاينة هذه الصورة]

حلموس : أنا رأيى إن الفرخة وهيا بتعبر الطريق
داست على كل اللى قدامها ..
يبقى نتعلم من الفرخة يا جماعة مش عيب ..
اللى مش عاجبه قواعد الكتابة هنا ..
ندوس عليه أو أقل ما فيها ننتف ريشه ..

[ندعوك للتسجيل في المنتدى أو التعريف بنفسك لمعاينة هذه الصورة]

حزلقون : عفارم يا حلموس ..
هيا دى .. ننتف ريشه .. فكرة فى الجون ..
بعيد عن الإنذارات واللبش ..
ننتف ريشهم .. هيا دى

[ندعوك للتسجيل في المنتدى أو التعريف بنفسك لمعاينة هذه الصورة]

فتكات : أنا ضد العنف فى الحوار ياجماعة ..
مش كل ما نختلف مع واحد فى الرأى ننتف ريشه..
خلينا نتحاور معاهم حوار راقى يا نقنعهم يا نقنعهم ..!!

[ندعوك للتسجيل في المنتدى أو التعريف بنفسك لمعاينة هذه الصورة]

المشرف : يا فتكات معلش مع إحترامى ..
فيه كام واحد جايين جداد هنا ..
محتاجين شوية ترصيص وظبط زوايا
سيبوا الحكايه دى عليا ..

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام : كفايه بقى كده ..
واقفلوا المنتدى النهاردة للصيانة

[ندعوك للتسجيل في المنتدى أو التعريف بنفسك لمعاينة هذه الصورة]

وحلقة اخرى ..

الحلقة الثالثة

[ندعوك للتسجيل في المنتدى أو التعريف بنفسك لمعاينة هذه الصورة]

مدير عام المنتدى :

يا جماعة أنا عايزكم تفتحوا عينيكم وتراقبوا الناس كويس ..
الفترة دى حرجة وحساسة فى تاريخ المنتدى ..
ودلوقتى تقدروا تتفضلوا على مكاتبكم جتكوا البلاوى

المشرف هامسا فى أذن المراقب :
إيه العبارة .. مال البيج بوس كارف علينا كده ليه ..
اللى يسمعه كده يفتكر إن احنا بنعبى فى فلوس
من ورا الشغلانة دى ..
ده أنا الشغلانة دى لولا إنها عاملالى بريستيج ..
ولا كنت قبلتها .. إنت عارف إنى كان نفسى من زمان أبقى مشرف .. حتى لو على فرقة ..

[ندعوك للتسجيل في المنتدى أو التعريف بنفسك لمعاينة هذه الصورة]

( الم النقطة يعنى ..)

المراقب :
عارف يا محمود أنا زيك بالظبط ..
إنت عارف إنى كان نفسى أدخل كلية الشرطة ..
عشان تبقى فى إيدى سلطة بس مجموعى فى الثانوية العامة
ماجابنيش ولا ودانى ..
وبعدين كمان مكنتش حقبل فى الشرطة عشان مكلبظ ..

[ندعوك للتسجيل في المنتدى أو التعريف بنفسك لمعاينة هذه الصورة]

حلموس :
ممكن نبطل رغى شوية ونشتغل شويتين..
الجدع اللى كاتب موضوع
(إيه الفايدة من ورا المنتدى ده )
عايزين نحول أوراقه لفضيلة المفتى

[ندعوك للتسجيل في المنتدى أو التعريف بنفسك لمعاينة هذه الصورة]

المشرف :
هوه المفتى فاضى لنا يا حلموسى
المفتى بيحضر من دلوقتى علشان الحج ..
إحنا نصفى الجدع ده من سكات..
فى العزومة الجاية فى المول يكون اسلام ومحمود راكبين موتوسيكل ومعاهم حزلقون..
وأول ما يشوفوه داخل المول يصفوه ويهربوا

[ندعوك للتسجيل في المنتدى أو التعريف بنفسك لمعاينة هذه الصورة]

احمد نينجا :

وأنا عليا هجيب لكم صورته..
هخترق جهاز الكمبيوتر بتاعه وأدعبس فيه على صورة له
يكون مخزنها على الجهاز ..

[ندعوك للتسجيل في المنتدى أو التعريف بنفسك لمعاينة هذه الصورة]

حزلقون:
أنا ضد التصفية الجسدية..
.. يعنى اللى زى ده لازم يكون على راسه بطحة ..
واللى بيته من قزاز ما يحدفناش بالطوب ..
فاحنا نعرفها ونبتزه .. وناخد منه اللى فيه النصيب ..
ولا من شاف ولا من درى ..

[ندعوك للتسجيل في المنتدى أو التعريف بنفسك لمعاينة هذه الصورة]

فتكات :
تعالوا بسرعة.. الحقونى .. شوفتوا الموضوع دة ..

يجتمع المشرفون حول فتكات
فى فزع متسائلين (موضوع إيه ؟؟)

فتكات :
ده موضوع مكتوب فى صفحة الحوادث
فى ( الجريدة ) مش هنا فى المنتدى ..

المدير العام :
ممكن تتكلمى علطول ..
أقصر الطرق إلى الحقيقة هى طريق صلاح سالم

[ندعوك للتسجيل في المنتدى أو التعريف بنفسك لمعاينة هذه الصورة]

فتكات :
قصدك أقصر الطرق إلى السجن

ينتزع المدير العام الجريدة بقرف
من يد فتكات قائلا :
يختى إنطقى إحنا ناقصينك

يقرأ المدير العام المكتوب فى الجريدة بصوت مرتفع :
مقتل عامل نظافه بالمول ..
مسلحان يطلقان النار عليه ويلوزان بالفرار على موتوسيكل ..
النيابة تعد بفك غموض الجريمة خلال ساعات ؟؟

[ندعوك للتسجيل في المنتدى أو التعريف بنفسك لمعاينة هذه الصورة]

حلموس :
يعنى بدل ما نصفى الجدع بتاع
( إيه فايدة الكتابة فى المنتدى )
قتلنا العامل الغلبان دة ..

[ندعوك للتسجيل في المنتدى أو التعريف بنفسك لمعاينة هذه الصورة]

المشرف :
: إنت يا عم الغبى .. هو احنا لحقنا نعمل حاجة ..

[ندعوك للتسجيل في المنتدى أو التعريف بنفسك لمعاينة هذه الصورة]

حزلقون:
شئ غريب فعلا .. لازم ألاقى حل للغز ده ..

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام
لغز إيه وهباب إيه .. الله يخيبكم ..
كنتوا هتودونا ف داهية ..

انا كان عندى استعداد انى احرم نفسى من العشا ..
علشان تستعشوا
احرم نفسى من الغطا .. علشان تستغطوا

انتوا اللى زيكوا مش لازم يعيش ليوم الثلاثاء
ولا الاربعاء ولا الخميس ..!!
ده أنا لو معين أرنوب بدالكم كان عمل شغل أنضفمن كده ..

إنتم إيه مشرفين ولا اكياس جوافه ..

[ندعوك للتسجيل في المنتدى أو التعريف بنفسك لمعاينة هذه الصورة]

والله مانا فاتح المنتدى النهاردة ..!!

[ندعوك للتسجيل في المنتدى أو التعريف بنفسك لمعاينة هذه الصورة]

وحلقة اخرى ..

الحلقة الرابعة

[ندعوك للتسجيل في المنتدى أو التعريف بنفسك لمعاينة هذه الصورة]

مدير عام المنتدى

للمشرفين :

أنا كنت عايز أناقش معاكم فكرة كده

[ندعوك للتسجيل في المنتدى أو التعريف بنفسك لمعاينة هذه الصورة]

المشرف :
خير اللهم اجعله خير

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام :
هى قواعد الكتابة فى المنتدى حاليا كام صفحة

المراقب :
حوالى 25 صفحة تحتوى على 3000 بند

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام :
لااااااااا دى كده تبقى بسيطة ..
أنا عايزكم تخلوها 100 صفحة ..
فيها على الاقل50000 بند ..
ولو عرفتم تخلوها أكتر من كده يبقى أحسن

[ندعوك للتسجيل في المنتدى أو التعريف بنفسك لمعاينة هذه الصورة]

المشرف :
مش كتير كده يا بوس ...
ده اللى مسجل جديد على ما يقراها تكون سنانه وقعت ..

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام :
ماهوه ده المطلوب ياعم .. مش عايزين حد يقراها ..
وصلت الفكرة يا زغللة ..!!

[ندعوك للتسجيل في المنتدى أو التعريف بنفسك لمعاينة هذه الصورة]

حلموس :
فكرة بمليون جنيه .. الكبيركبير يا بوس

[ندعوك للتسجيل في المنتدى أو التعريف بنفسك لمعاينة هذه الصورة]

احمد نينجا :
ما تفهمونا إيه العبارةيا خوانا ..

[ندعوك للتسجيل في المنتدى أو التعريف بنفسك لمعاينة هذه الصورة]

حلموس :
يعنى اللى هيسجل جديد لازم يوقع إنه قرا قواعد الكتابة
فى المنتدى ووافق عليها .. تمام ..

[ندعوك للتسجيل في المنتدى أو التعريف بنفسك لمعاينة هذه الصورة]

فتكات :
طبعا لما يلاقى 100 صفحة تحتوى على خمسين ألف بند
هيروح موقع من غير ما يقرا حاجة .. تمام ..

[ندعوك للتسجيل في المنتدى أو التعريف بنفسك لمعاينة هذه الصورة]

حزلقون :
لأ مش تمام .. مش فاهم حاجة ..!!

[ندعوك للتسجيل في المنتدى أو التعريف بنفسك لمعاينة هذه الصورة]

المشرف :
هو انت ديما كده مش فاهم حاجة ..
أى حد يكتب حاجة ما تعجبناش نروح لازقينه إنذار ..
ونقول له إجرى يلا روح إقرا قواعد المنتدى قبل ما تكتب ..
داهية فيك وفى أيامك السودة ..

[ندعوك للتسجيل في المنتدى أو التعريف بنفسك لمعاينة هذه الصورة]

حزلقون :
طب إفرض عضو غتيت
ورخم قرا القواعد كلها قبل ما يوقع ..

[ندعوك للتسجيل في المنتدى أو التعريف بنفسك لمعاينة هذه الصورة]

المشرف :
من لم يمت بالسيف ماتبغيره .. مين يعادينا .. هيه هيه ..

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام بيقول للمراقب :
نبه على جميع المشرفين إن فيه إجتماع هام
الساعة 3 فى قسم المشرفين.. الإجتماع مغلق وسرى للغاية ..

[ندعوك للتسجيل في المنتدى أو التعريف بنفسك لمعاينة هذه الصورة]

المشرف :
بخصوص إيه

[ندعوك للتسجيل في المنتدى أو التعريف بنفسك لمعاينة هذه الصورة]

حزلقون :
أنا عن نفسى معرفش يظهر إنه توبسيكرت ..
المدير العام حويط اوى ..
مش عايز حد من الأعضاء يشم خبر عن الإجتماع ..

[ندعوك للتسجيل في المنتدى أو التعريف بنفسك لمعاينة هذه الصورة]

وفى منتدى المشرفين الساعه 3 بدأ اجتماع مغلق
وسرى للغاية بحضور جميع المشرفين ..

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام :
طبعا مستغربين أنا جمعتكم ليه النهارده ...
الموضوع باختصار إن فيه معلومات وصلت للقيادة السياسية
إن المنتدى فيه عدد كبير من الأعضاء بيسبحوا ضد التيار
وما بيعرفوش يعوموا .. وهيغرقوا ويغرقوا المنتدى معاهم ..
ووصلتنى معلومات مؤكدة
إنهم ندبوا لجنة حموم الانسان علشان تقوم بزيارة مباغتة
جدا للمنتدى ومعرفة مدى صحة المعلومات دى..
لازم نلملم نفسنا بسرعة ونستعد للزيارة المباغتة دى
واللى غالبا حتكون الأسبوع اللى جاى يوم السبت ..

[ندعوك للتسجيل في المنتدى أو التعريف بنفسك لمعاينة هذه الصورة]

احمد نينجا :
إحنا جاهزين يا بوس ... لازم نبتدى نلملم كل المواضيع
اللى رافعة الشراع ونغرقها ..

[ندعوك للتسجيل في المنتدى أو التعريف بنفسك لمعاينة هذه الصورة]

المشرف :
تمام ونخلى المواضيع اللى عايمة ع الوش

[ندعوك للتسجيل في المنتدى أو التعريف بنفسك لمعاينة هذه الصورة]

حلموس :
مفيش مواضيع كويسة غير الموضوع بتاع جرجاوى
( المية تروى العطشان .. )

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام :
مين جرجاوى ده ؟

[ندعوك للتسجيل في المنتدى أو التعريف بنفسك لمعاينة هذه الصورة]

المشرف :
ده بيبيع جرجير .. فى اول المنتدى .. وغاوى رش مية ..

حزلقون :
عايزين نستعد للموضوع ده بكل جدية يا جماعة..
زيارة لجنة حموم الانسان للمنتدى شئ مش بسيط ..

المدير العام :
ندخل على النقطة اللى بعدها فى جدول الأعمال ..
تنظيم موكب رئيس اللجنة

[ندعوك للتسجيل في المنتدى أو التعريف بنفسك لمعاينة هذه الصورة]

المشرف :
أنا رأيى إن الموكب يدخل من باب المنتدى العام
ولو زحمة يبقى من باب الأسرة والطفل ..

[ندعوك للتسجيل في المنتدى أو التعريف بنفسك لمعاينة هذه الصورة]

فتكات :
مش هنرش المنتدى يا بوس

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام :
إيه المناسبة

[ندعوك للتسجيل في المنتدى أو التعريف بنفسك لمعاينة هذه الصورة]

فتكات :
علشان نطرى القاعدة ..

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام :
إنتى مين يا بنتى ...إنتى بقالك كتير معانا هنا

[ندعوك للتسجيل في المنتدى أو التعريف بنفسك لمعاينة هذه الصورة]

حلموس :
فعلا .. أول ما تخش اللجنة ندلق عليهم جردل ميه ..

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام بيتكلم مع المراقب :

أول لما الزيارة دى تتم على خير الطقم ده كله لازم يتغير!!

[ندعوك للتسجيل في المنتدى أو التعريف بنفسك لمعاينة هذه الصورة]

المراقب:
ويا ترى هنقدرنعوض العباقرة دول تاني يا بوس

[ندعوك للتسجيل في المنتدى أو التعريف بنفسك لمعاينة هذه الصورة]

وانتهى الاجتماع على خير..

[ندعوك للتسجيل في المنتدى أو التعريف بنفسك لمعاينة هذه الصورة]

وحلقة اخرى ..

الحلقة الخامسة

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام بيقول للمراقب :
متنساش تجيب الديجيتال كاميرا العهدة بتاعة المنتدى
اللى بنصور بيها الأعضاء الجداد وش وقفا وهما بيسجلوا
عندنا هنا أول مرة يوم الزيارة علشان تاخدولى كام صورة
مع لجنة حموم الانساندى ..

[ندعوك للتسجيل في المنتدى أو التعريف بنفسك لمعاينة هذه الصورة]

المراقب :
أمرك يا بوس .. ونتكلم دلوقتى عن التنظيم ..
انا بقترح إننا كلنا نلبس بدل اسموكن سودا وبابيون أحمر ..

[ندعوك للتسجيل في المنتدى أو التعريف بنفسك لمعاينة هذه الصورة]

المشرف :
بس شكلنا كده حنبقى زى السفرجية يا كنج ..
أنا بقول يعنى بلاش نلتزم كلنا بنفس اللبس..
يعنى اللى عايز ييجى ببدلة ييجى .. اللى عايز ييجى بجينز
وتى شيرت ييجى .. وكده يعنى !!

[ندعوك للتسجيل في المنتدى أو التعريف بنفسك لمعاينة هذه الصورة]

حلموس :
فكرة حلوة يا موشى التى شيرت دى .. إحنا نلبس كلنا
تى شيرت واحد عليه صورة المدير العام كرمز للمنتدى
وبنطلونات شورت زى بتاعة الكشافة وجزم اديدز..
وشرابات طويلة لغاية الركبة ..

احمد نينجا :
ياعم شورتات إيه بس وشرابات طويلة ..
أهم حاجة نلبس كلنا نضارات سودا ونحط سماعات فى ودانا ونقعد نتلفت حوالينا وورانا ونبص لبعض كل شوية
نظرات قبيحة ومريبة فى نفس الوقت..
ولازم نبقى على إتصال مع بعض باللاسلكى أثناء الزيارة ..
مهم جدا اللاسلكى ده علشان ننبه بعض لو عضو من إياهم
حاول التسلل أثناء الزيارة .

[ندعوك للتسجيل في المنتدى أو التعريف بنفسك لمعاينة هذه الصورة]

حزلقون :
لازم نحبس الأعضاء أثناء الزيارة اللى إحنا متأكدين
من عدم ولائهم لينا... بس المشكلة إننا لو عملنا كده
مش حيتبقى غير تلاته أربعة ومش حنعرف نجيب أعضاء
نوقفهم قدام أبواب المنتدى علشان يهتفوا ويرحبوا باللجنة ..

[ندعوك للتسجيل في المنتدى أو التعريف بنفسك لمعاينة هذه الصورة]

فتكات :
واجب برضه نشترى شوية بالونات وبمب والعاب هوا ..
نسينا كمان نعمل قسم جديد فى المنتدى نسميه ( الاستحماية ) علشان اللجنة تفتتحه .. ولازم كمان نحط شريط سوليفان
على كل باب من أبواب المنتدى علشان اعضاء اللجنة
يقصوهم .. لازم ياجماعة كل واحد يقص له شريط على الأقل.. ولوإتبقت شرايط بعد كده أقصهم أنا ..

[ندعوك للتسجيل في المنتدى أو التعريف بنفسك لمعاينة هذه الصورة]

تعالت أصوات المشرفين إحتجاجا على رغبة فتكات
بأن تقص ما تبقى من شرائط ..

[ندعوك للتسجيل في المنتدى أو التعريف بنفسك لمعاينة هذه الصورة]

حلموس :
وليه مقصهمش أنا

[ندعوك للتسجيل في المنتدى أو التعريف بنفسك لمعاينة هذه الصورة]

المشرف :
محدش حيقص غيرى ..

[ندعوك للتسجيل في المنتدى أو التعريف بنفسك لمعاينة هذه الصورة]

حلموس :
طب يمين على يمينك محدهيقص إلا أنا ..
ثم تنتابه نوبة من البكاء الشديد ..
وتدور الدنيا به وتظهر أمام عينيه دوامات كأنه يتذكر
أيام الطفولة والماضى المنيل بنيله ..
ويتمدد حلموس على الأرض ويتجمع المشرفين من حوله

[ندعوك للتسجيل في المنتدى أو التعريف بنفسك لمعاينة هذه الصورة]

يقوم المراقب بعمل تدليك سريع للقلب لحد مافاق
وبدأ يروى لهم قصته مع الإشراف

حلموس :
زمان وانا عمرى 7 سنين كنت بروح مع أبويا الدكان
كل يوم جمعة بعد الصلاة .. كان عندنا محل أقمشة فى الدرب
الأحمر .. كانت متعتى إنى أشوف العامل اللى فى المحل وهوه
بيقص القماش للزباين.. كان عنده مقص كبير قوى طوله يجى
نص متر .. مره سهيته وخدت المقص وخبيته فى جيب القميص
بتاعى لكن أبويا شافه ونزل فيا ضرب بالإقلام والشلاليت وإنضم
له كل العمال فى الدكان.. لحد ما سخسخت..
ومن ساعتها وأنا أى حاجة بشوفها ببقى عايز أقص منها.!!

[ندعوك للتسجيل في المنتدى أو التعريف بنفسك لمعاينة هذه الصورة]

حزلقون :
أمال لو حكيتلكم حكايتى حتقول إيه

المدير العام طيب ..
ندخل فى البند اللى بعده والخاص بالمأكولات
التي ينبغي ان نوفرها لاعضاء اللجنة
ممكن أسمع أرائكم؟

[ندعوك للتسجيل في المنتدى أو التعريف بنفسك لمعاينة هذه الصورة]

احمد نينجا :
بـــس أنا جتلي فكرة جهنمية ، منها نعمل حاجة تشرفنا قدام الناس دي ومنها نوفر

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام :
قول يا ابو النصاحة إحنا سامعين

[ندعوك للتسجيل في المنتدى أو التعريف بنفسك لمعاينة هذه الصورة]

احمد نينجا :
أنا انزل السوق أشترى كرومباية على 2 ك بتنجان أبيض
وحزمة ملوخية خضرا و 4 ك لحمة ضاني ونخلى المشرفات
يعملوا حلتين محشي و ملوخية وناكل كلنا ونهيص ..

[ندعوك للتسجيل في المنتدى أو التعريف بنفسك لمعاينة هذه الصورة]

المراقب:
ممكن يا اخ نينجاوى تطلع بره شويه وهانندهلك لما نخلص

[ندعوك للتسجيل في المنتدى أو التعريف بنفسك لمعاينة هذه الصورة]

احمد نينجا :
حاضر .. بس ليه يا كنج ؟

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام :
يا اخ نينجا بنقولك حاجة تشرفنا.. تقولنا محشي ،
يا اخي عيب كده .. ده كان إستهلال لابد منه ..
هـــــا يا سادة انا عايز مشاركين لا متفرجين

[ندعوك للتسجيل في المنتدى أو التعريف بنفسك لمعاينة هذه الصورة]

حزلقون :
بس وجدتها .. إحنا نعمل علب وجبات وكل وجبة فيها
سندوتش جبنة رومي وحتت جاتوة ..

[ندعوك للتسجيل في المنتدى أو التعريف بنفسك لمعاينة هذه الصورة]

فتكات :
إيه نظام الأفراح البلدي ده ؟ عايزين أفكار محترمة يا أخوانا

[ندعوك للتسجيل في المنتدى أو التعريف بنفسك لمعاينة هذه الصورة]

حلموس :
ممكن أقول رأيي ؟

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام :
أيوه وماله من حقك

[ندعوك للتسجيل في المنتدى أو التعريف بنفسك لمعاينة هذه الصورة]

حلموس :
زي مانتوا عارفين أنا عندي مزرعة في الكيلو 923
وانا مربي هناك كام دكر بط على فرختين عتاقي ،
فأنا بأقترح إننا ندبح البط ده جنب الفراخ
مع شوية برتقان بصرة من بتوع المزرعة ونمشي الليلة

[ندعوك للتسجيل في المنتدى أو التعريف بنفسك لمعاينة هذه الصورة]

حزلقون :
والله شكلكوا هاتكسفونا مع المحشي والبط والكلام ده
واللجنة هاتيجي تغلق المنتدى بسببكم ،
يا جماعة الناس اللي جايه فيهم ناس كبيرة في السن يعني
بالتأكيد عندهم السكر والضغط والكوليسترول والكلام ده ..
عايزين حاجات خفيفة وصحية وعلى رأي المثل
" صحي ومفيد "
( قال يعنى ده مثل )

المراقب :
شكرا يا سادة .. بعد ما أستمعنا إلى جميع الآراء
بشكل ديمقراطي ديماجوجي ..
احب أقوللكم إن انا والمدير.. إتفقنا من الاول إننا نتصل
بمطعم مكسيم عشان يبعت لنا وجبات جاهزة
وتبقى حاجة محترمة قدام اللجنة..

[ندعوك للتسجيل في المنتدى أو التعريف بنفسك لمعاينة هذه الصورة]

فتكات:
يحيا العدل هي دي الديمقراطية .. الله ينور عليك بس
عدم اللامؤخذه إنتوا كنتوا جايبنا ليه وسمعتوا أرائنا ليه ؟

[ندعوك للتسجيل في المنتدى أو التعريف بنفسك لمعاينة هذه الصورة]

المراقب :
ممكن تسكتى؟

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام :
ننتقل للبند اللي بعده ... المشروبات ...
ولو سمحتوا اللي هاشاور عليه هو بس اللي يتكلم
مش عايزين فضايح ..
أيوه أتفضل يا اخ حلموس

[ندعوك للتسجيل في المنتدى أو التعريف بنفسك لمعاينة هذه الصورة]

حلموس :
ربنا يخليك لنا يا بوص ده أحنا من غيرك ولا حاجة
وناقصنا كام مليون حاجة

المشرف :
هايشتغل بقى في الاغاني الحمضانة بتاعت شادية
ومصر اليوم في عيد وهاينكش لنا القصة بتاعته ..
الشغل ده أنا عارفه

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام :
مش اناقولت ماحدش يتكلم إلا اللي أشاور عليه ..
عمومآ خلاص خلاص..
انا قررت انا و المراقب أساسا إننا نقدملهم يانسون

[ندعوك للتسجيل في المنتدى أو التعريف بنفسك لمعاينة هذه الصورة]

فتكات :
برافو عليك .. أنا بحب جدا الحاجات النيتشورال اللي زي دي

واهى منها مهدئات .. ربنا يهدهم يارب

المدير العام بيقول للمراقب :
مهدئات !! هى البت دى بتشتغل فى صيدلية
بعد المنتدى واحنا ما نعرفش !!
عمومآ .. اقفل عليهم المنتدى لما الليلة دى تعدى على خير ..

[ندعوك للتسجيل في المنتدى أو التعريف بنفسك لمعاينة هذه الصورة]

واتقفل الاجتماع على خير

[ندعوك للتسجيل في المنتدى أو التعريف بنفسك لمعاينة هذه الصورة]

وحلقة اخرى ..

الحلقة السادسة

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام :
النهاردة يا جماعة معانا فى الاجتماع
المشرف الجديد بالوظة..
وانا شايف ان ليه اراء معكوسة ومتجهات مقلوبة
ممكن تفيدنا فى اجتماعتنا ..

[ندعوك للتسجيل في المنتدى أو التعريف بنفسك لمعاينة هذه الصورة]

المشرفين بيتغامزو ويتهامزوا :
هو احنا موش ماليين عينه ولا ايه !!

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام :
ودلوقتى نخش فى الاجتماع ..
ياجماعة وانا بتمشى بالليل فى المنتدى لوحدى ..
وبعد ما عصرت افكاركم كلها ..
لقيت ان الفاضلة فتكات أثارت نقطة مهمة وهى
نعمل قسم جديد فى المنتدى نسميه ( الاستحماية )..
إزاى ما عندناش القسم ده
فى المنتدى طول السنين اللى فاتت دى ..
إنتم عارفين إن اللجنة أول ما هتوصل هتسأل
على أى حاجة علشان تفتتحها .. لازم نعمل القسم ده بسرعة
فى المنتدى ويكون ملحق بيه مناشف وبوفيه ..
واستراحة ودورة مية ..

[ندعوك للتسجيل في المنتدى أو التعريف بنفسك لمعاينة هذه الصورة]

المراقب:

المكان موجود يا بوس ..
فيه مساحة فاضية فى المنتدى الادبى كنا عاملينها خرابة
بنحبس فيها الأعضاء المشاغبين ..
ممكن نجيب كام بولدوزر يساويها بالأرض ونبنى مكانها
( الاستحماية )..
بس المشكلة هنجهزها منين .. محتاجين تمويل يا بوس !!

[ندعوك للتسجيل في المنتدى أو التعريف بنفسك لمعاينة هذه الصورة]

المشرف :
ولا تمويل ولا حاجة ..
إحنا نستلف كام دش على صابونتين على شوية شامبو
من الأعضاء لحد ما الزيارة تنتهى ..
وفيه أعضاء كتير نظاف هنا فى المنتدى عندكم
الواد الانتيخ .. ونٌصه .. وإخه ..
وإخه ده لوحده حكاية ..
ده حتى فى ناس بيقولوا إنه إتعما من كتر الحما ..
وبيتعالج دلوقتى فى المستوصفاللى جمبنا ..
وبيحطولوه شامبو كل ساعتين فى عينيه ..

[ندعوك للتسجيل في المنتدى أو التعريف بنفسك لمعاينة هذه الصورة]

حلموس :
ما اتعماش ولا حاجة يابنى..
أنا رحت زورته فى المستوصف إمبارح ..
دهوا كان بيشيل المية الزيادة
اللى على الشبكية فى عنيه ..

[ندعوك للتسجيل في المنتدى أو التعريف بنفسك لمعاينة هذه الصورة]

بالوظة :
يعنى إيه شبكية ياعمو؟!

[ندعوك للتسجيل في المنتدى أو التعريف بنفسك لمعاينة هذه الصورة]

يفتح المدير العام علبة دواء الضغط :
ويتناول حبة بعصبية ثم يقول ممكن نركز شوية ياجماعة

[ندعوك للتسجيل في المنتدى أو التعريف بنفسك لمعاينة هذه الصورة]

حزلقون :
أنا عندى فكرة جديده يا بوس ..

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام :
قول يا سيدى ..!!

[ندعوك للتسجيل في المنتدى أو التعريف بنفسك لمعاينة هذه الصورة]

حزلقون :
فى اوروبا والدول المتقدمة ..
( الاستحماية ) فيها مكتبة !!
فممكن نجيب مجموعة كتب مش بطالة ..
فى الأدب والشعر وكتب طبية كمان ممكن أبعتها..
ونعمل بيها مكتبة للى عايز يثقف وهو بيستحمة ..

[ندعوك للتسجيل في المنتدى أو التعريف بنفسك لمعاينة هذه الصورة]

المشرف :
هايل.. بس محتاجين كتب أطفال كمان ..

[ندعوك للتسجيل في المنتدى أو التعريف بنفسك لمعاينة هذه الصورة]

احمد نينجا :
ممكن فتكات تساعدنا فى الموضوع ده ..
أنا هتصل بيها تبعت لنا شوية كتب من عندها ..
( و هى اساسا قاعده معاه فى الاجتماع )

[ندعوك للتسجيل في المنتدى أو التعريف بنفسك لمعاينة هذه الصورة]

حلموس :
انا ما عنديش أى كتب غير ميكى و سوبرمان ..

[ندعوك للتسجيل في المنتدى أو التعريف بنفسك لمعاينة هذه الصورة]

بالوظة :
ليه ياجماعة منبعتش حد الجبل
يروح للمطاريد يستلف منهم شوية كتب..
فيه منهم ناس كتير مثقفين وأكيد عندهم كتب محترمة..

[ندعوك للتسجيل في المنتدى أو التعريف بنفسك لمعاينة هذه الصورة]

المشرف :
حد الله ما بينا وبينهم ..
تغور الكتب اللى تيجى من ريحتهم..
قلبى وربى غضبانين عليهم إلى يوم القيامة

[ندعوك للتسجيل في المنتدى أو التعريف بنفسك لمعاينة هذه الصورة]

فتكات :
مين المطاريد دول ياعمو؟!

[ندعوك للتسجيل في المنتدى أو التعريف بنفسك لمعاينة هذه الصورة]

المراقب :
ادخلى نامى إنتى علشان عندك مدرسة الصبح..

[ندعوك للتسجيل في المنتدى أو التعريف بنفسك لمعاينة هذه الصورة]

فتكات :
طب تصبحوا على خير

[ندعوك للتسجيل في المنتدى أو التعريف بنفسك لمعاينة هذه الصورة]

احمد نينجا :
يعنى كويس كده لما تفتحوا عينين البت على الحاجات دى

[ندعوك للتسجيل في المنتدى أو التعريف بنفسك لمعاينة هذه الصورة]

بالوظة :
يظهر ان مفيش حد هيفهمنى هنا ..!!

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام :
بيهرش فى دماغه وبيبوصله باشمئزاز
( وانا اللى كنت فاكرك غيرهم )

نيجي لأهم واخطر نقطة
لابد من الإتفاق عليها ووضع أُطر وآلية تنفيذ لها ..
حيث إن مستقبل المنتدى كله يتوقف عليها..

[ندعوك للتسجيل في المنتدى أو التعريف بنفسك لمعاينة هذه الصورة]

المشرف :
خير قلقتني يا بوس

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام :
أظن كلامي واضح يا سادة وماهوش رمادي ،
نقول كمان .. أنا أعني يا أفاضل نقطة توزيع الادوار ..
بمعنى كل واحد مننا هايعمل إيه أثناء زيارة اللجنة ..

[ندعوك للتسجيل في المنتدى أو التعريف بنفسك لمعاينة هذه الصورة]

حزلقون :
أنا فهمتك يا بوس ، بص يا سيدي..
أنا طبعاً هالبس الحتة السموكن السودا اللي عندي
واللي ما بطلعهاش غير في المناسبات وأضرب البيبيون
المفتخرة على شوية جل على شعري والنظارة الريبان السودا
وهابقى ولا الخديوي شكوكو في زمانه ..
وإنت كمان تعمل زيي وتتصرف لك في أي حتة سموكن
ولك مطلق الحرية تلبس بيبيون تلبس كرافتة او كوفية
مش مهم ..
وانا وإنت بس نبقى في إنتظار سيادة اللجنة ..

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام :
عظيم..ممتاز إكسلنت ..
أنا كمان بأقترح إن فتكات تشرف بنفسها على الأكل
عشان تتأكد إن كل حاجة ماشية حسب المعايير الطبية ..

[ندعوك للتسجيل في المنتدى أو التعريف بنفسك لمعاينة هذه الصورة]

حلموس :
إنتوا نسيتوا حاجة مهمة .. اللجنة لما تيجي تفتتح
المنتديات الجديدة بالتأكيد هاتطلب تلقي نظرة
على المنتديات المفتوحة عندنا واللي ممكن تودينا في داهية !!

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام :
قصدك إيه ؟.. أفصح تكلم أيها الزميل الفاضح
قصدى الفاضل ..

[ندعوك للتسجيل في المنتدى أو التعريف بنفسك لمعاينة هذه الصورة]

حلموس :
أنا قصدي منتدى السياسة ..
وبذات الموضوع اللى بيقول
( يا بخت من وفق راسين في الحلال )

[ندعوك للتسجيل في المنتدى أو التعريف بنفسك لمعاينة هذه الصورة]

المشرف :
اتفق تماماً معاك يا حلموس
وعندك كمان منتدى مكافحة الجراد..

[ندعوك للتسجيل في المنتدى أو التعريف بنفسك لمعاينة هذه الصورة]

احمد نينجا :
يعني بإختصار نخلي الحاجة الخفيفة واللي فيها فرفشة ..
أنا فهمتكوا

[ندعوك للتسجيل في المنتدى أو التعريف بنفسك لمعاينة هذه الصورة]

فتكات :
في كمان يا جماعة موضوع كلمة المنتدى
التي يجب أن يلقيها أحد الزملاء بالنيابة عننا ..
أنا سيبولي الموضوع ده هاحضر كلمة محترمة
وأقولها قدام اللجنة ..

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام

وهو بيجز على سنانة :
يا فتكات لوسمحتى إستنى شوية .. كلمة إيه ؟
ده انتى قعدتك في كفر ابو عضمة نسيتك العربي..
خليكى إنتى لزيارات السادة الرؤساء الأجانب ..
إبقى أتكلمى براحتك وما فيش حد هايفهمك مننا او منهم

[ندعوك للتسجيل في المنتدى أو التعريف بنفسك لمعاينة هذه الصورة]

بالوظة :
يبقى ما فيش غيرفتح الباب ..
نخليه يكتب كلمة مختصرة وبأقول تاني مختصرة
ويملاها شوية مصطلحات مكلكعة زي العودة لمائدة
المفاوضات والحموم العادل والشامل ومزع جميع الأسلحة
من العرب ومنطقة الشرق الاوسط ..
والحاجات دي .. اكيد هيعجب اللجنة الكلام ده ..
وهتنشكح قوي لما تسمعه ..

[ندعوك للتسجيل في المنتدى أو التعريف بنفسك لمعاينة هذه الصورة]

حلموس :
على جثتي .. فتح الباب لأ ..
الأخ ده بقاله فترة له توجهات مش عجباني

[ندعوك للتسجيل في المنتدى أو التعريف بنفسك لمعاينة هذه الصورة]

المشرف :
وسع يا جدع إنت وهو ..
اما يا بوس فكرتلك في فكرة ..
اولاً هاستاهل عليها نص شهر مكافأة ..
وثانياً اتحدى إن ماكنتش اللجنة تنفحنا فيها
قد 100ألف دولار علاوة ..

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام :
قول انا في عرضك ..
أنا في حاجة ماسة إلى أي ألية تدفع اللجنة
وتخليها ترضى عننا ..

[ندعوك للتسجيل في المنتدى أو التعريف بنفسك لمعاينة هذه الصورة]

المشرف :
انا طبعت المجلد بتاع " إسلامستان " وجلدته وزخرفته
وبقى عامل زي الملازم اللي كنا بنصورها أيام الجامعة
قبل الإمتحانات بيومين..
فممكن بمنتهى البساطة أقوم مغير بس العنوان
من إسلامستان إلى " حمومستان "

وانا عارف إن مستحيل اللجنة هاتقرأ الحشو اللي جوه
لأنها مش فاضية .. هما بس هايشوفوا العنوان وهايزقططوا ..
إيه رأيك ؟

[ندعوك للتسجيل في المنتدى أو التعريف بنفسك لمعاينة هذه الصورة]

حزلقون :
أبوس تلافيف نخاشيش دماغك ..
إنت عبقري إنت فلته ..
روح يا شيخ انا عارف لو فيه منك 2 كنا عملنا ايه !!
( اكيد هيودونا فى داهيه )

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام :
برافو يا مشرف .. جوووووووووود

[ندعوك للتسجيل في المنتدى أو التعريف بنفسك لمعاينة هذه الصورة]

المشرف :
تربيتك يا باشا وكل ده من خيرك

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام :
هوه ده الكلام ..
أنا أبتديت أُعجب بيكم
بعد ما عدلتم أفكاركم المسمومة بتاعت المحشي والملوخية
اللى كانت هتجيب لنا السحابة السودا فى المنتدى ..!!

[ندعوك للتسجيل في المنتدى أو التعريف بنفسك لمعاينة هذه الصورة]

المراقب :
قشطة يا رجالة ..
دى اللجنة كده عمرها ما هاتنسى الزيارة دى !!

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام للمشرفين :
فضوها سيرة يالا .. وكفاية كده النهاردة ..
انا عندى ماتش كورة وموش فاضى !!

[ندعوك للتسجيل في المنتدى أو التعريف بنفسك لمعاينة هذه الصورة]

وانتهى الاجتماع على خير..

[ندعوك للتسجيل في المنتدى أو التعريف بنفسك لمعاينة هذه الصورة]

وحلقة اخرى ..

» مسلسل الكبير الجزء الثانى