أســــــــــــفه ......!!

أســــــــــــــــــــــــفه

كنت فاكره بين أحضانك أمان

وعيون بتضم قلبى وتحمينى من غدر الزمان

أيد تمسح دموعى وتمحى كل الأحزان

أســـــــــــــــــفه

صدقت صوتك ..... صوت بيحلف أن عمره ما يوم يخون

صدقت نبضك ...... نبض عاشق طيب حنون

صدقت حتى نظرة شوق فى العيون

أســــــــــــــــــفه

غمضت عينى وحلمت بالأيام معاك

وأزاى تكون جنه برضاك

وقلبى نام بشوق حاضن هواك

بنيت فى الأحلام قصور

سكنها قلبى بغرامك المسحور

من شهد حبك حليت البحور

لكن صحيت على صوت الزيف والخداع

لقتنى عشقت خاين..... سلمنى بأديه للضياع

وعالم مصالح فيه القلوب تنباع

من النهارده خلاص مبقاش رجوع

بيننا الزمان والمكان والطريق

ليل وبحور وموج غريق